المطالع لاسم هذه الجمعه يكتشف ان الثورة قد ماتت... ولايحيى الموتى غير الله...كثيرممن سيقرئون كلامى هذا سيصفونى بانى من الفلول او من انصار الحزب الوطنى او من انصار حزب الكنبه(محاكم التفتيش) وطبعا لن اغلط الغلطه الشهيره وانفى انى لا انتمى لكل هؤلاء لكنى ساغلط غلطتى المعتاده سأقول ما استنتجه شاء من شاء وابى من ابى (انا حر)...طبعا الثورة ماتت حد يسألنى ليه؟ حئولك..بص ياسيدى ..الثورة دى نجحت بسبب تدخل الأخوان فى المشهد ..تسألنى اى مشهد..مفيش غير مشهد واحد وهو موقعة الجمل...بشهادة العديد ممن كانوا فى ميدان التحرير ان شباب الأخوان كان لهم دور بارز فى حماية المعتصمين داخل الميدان وانهم لم تنطلى عليهم خدعة مبارك من خلال خطابه الشهير الذى ادى الى انقسام الناس ورضائهم بما وصلوا اليه بانه سيتنحى بعد انتهاء فترة رياسته ..وكثيرجدااااااااااااااااااااا من الناس قال كده تمام ..ولو مامشيش.. ميدان التحرير موجود...وعلى فكره الناس دى كانت بتمثل 90%من الشعب المصرى...لكن الأخوان عرفوا اللى فيها...بقاء مبارك معناه ان الدنيا حتنقلب على كل من كان فى التحرير وطبعا هم اول ناس..لانهم ديما الورقة اللى بيلاعب بيها النظام القديم الكل..مره أمريكا..لما طالبته بالديموقراطيه فقام بتمرير 88 عضو لمجلس الشعب من الاخوان عشان يوريهم نتائج الديموقراطيه اللى عيزاها امريكا ولما اكتشف النظام ان امريكا بعد كده عايزه الاسلاميين يوصلوا للحكم ويكون هناك نموذج اخر مثل نموذج السودان!!.طبعا قام النظام باعتقال الكثير من جماعة الاخوان وقام بتصفية مصادر اموالهم...وطبعا النظام كان عامل الاخوان فزاعه للكل بره وجوه ..لكن المره دى مين اللى حيقضى على الثوار؟!..شاطر ما أنته مذاكر وفاهم زيى اهوه (الثعلب المصرى عمر سليمان)..اتفقنا او اختلفنا فالسيدعمر سليمان بشهادة الاعداء قبل الأحباب من أخطر بل من أعظم رجال المخابرات...وتحرك شباب الاخوان بسرعه بين المعتصمين يطالبوهم بعدم الانصراف وتخوفيهم من امن الدولة اللى مش حتسمى عليهم لا هيه والمخابرات وتولوا حماية الميدان والدفاع عنه بقدراتهم التنظيميه التى لا يختلف عليها اثنين...وقد كان ..واجبر المعتصمون مبارك على التنحى...وعلمنا بعد ذلك ان احد اعضاء الجماعه استقال وكان سبب الاستقاله هو جلوس اعضاء من الجماعه مع السيد عمر سليمان..وبعد ذلك جائت غزوة الصناديق وعرفنا ليه حنخش الجنه لما نصوت بنعم ...شاطر.المهم حتقولى ايه علاقة ده بالجمعه اللى جايه؟!..
ياسيدى انا بفضفض معاك وعايز اوصل واقولك ان الاخوان من اهم أسباب نجاح هذه الثورة وانهم بالفعل لهم ارضية كبيرة وان الناس دى مش فظيعه ولا وحشه زى ما انت فاكر لا والله الناس دى عمرها مابتاخد رشوة ولا بتسرق وناس بتخاف ربنا جدا لكن مشكلتهم انهم بيحبوا مصر؟!..حتئولى انته بتستعبط هو حب مصر بقى مشكله اليومين دول؟!...ههههههههه ايوه مشكله لان كل واحد بيحبها بطريقته وكل فئة شايفه ان طريقتهاومنهجها هى الاصلح(قيس على كده الكل بمن فيهم الجيش) واتذكر ان هناك جمعه من الجمع(جمعة انقاذالثورة 1 ابريل) لم يشارك فيها الأخوان(بسبب الاستفتاء وانشقاقهم عن الثوار) فكانت كالجمعه اليتيمه(السبب المعلن احتفالهم بيوم اليتيم 1 ابريل).. وشاركوا فى التى تليها فكانت جمعه التطهيروالتى على اثرها تم محاكمة مبارك وكانت جمعه مباركه اثبت فيها الاخوان قدرتهم على الحشد والتنظيم .
الخلاصه... مجرد لفظ (أحياء) فهذا أعتراف ضمنى وصريح من الثوار ان الثورة ماتت على الأقل اكلينيكيا..وطالما ان الاخوان لن يشاركوا فى تلك الجمعه فلن تنجح ..حتئولى همه مش حيشاركوا ليه؟ ..حئولك عشان الليبراليين والعلمانيين والبرادعيين وحط عليهم 6 ابريل على بتوع كلنا خالد سعيد على عمر عفيفى على ظباط من اجل الثورة عايزين من الآخر يمشوا المجلس العسكرى وبيطالبوا بمجلس رئاسى مدنى على دستور جديد على تاجيل انتخابات مجلس الشعب...امسك دى ..اقف عندك ..انتخابات مجلس الشعب اللى مين حينجح فيها؟!..شاطر...
أيها السادة أفيقوا ان الثورة انتهت... واعلموا ان الشعب المصرى لايثق الا بالجيش.. ويثق بالذى يتحدث باسم الدين...وكونوا من الشعب وتذكروا كلمات امام الدعاه (ان الثائر الحق هو من يثورليهدم الفساد..ثم يهدء ليبنى الأمجاد)...وكذلك ادعوكم للثقة بالمجلس العسكرى حفاظا على اعز ما نملك (الجيش المصرى)..ولا تلتفتوا الى مقولة ان المجلس العسكرى شئ والجيش شئ اخر وهذا لن يحدث الا اذا اقنعتنى ان جماعة الاخوان المسلمين شئ وحزب العادلة والتنميه شئ اخر....
وتذكروا كلمتى هذه... ان اكبر القوى السياسية على الارض المصريةهى الحزب الوطنى والاخوان ويعلم الاثنان ان القوة الوحيدة فى هذا الوطن هى الجيش وارجوا الا ننسى اننا بيننا وبين العدو معاهدة سلام ..اى انه ليس هناك سلام شامل تحقق ...بمعنى آخر اذا نقض احد الطرفين بنود المعاهده فهذا معناه اعلان حرب...واعتقد ان هذا الجانب كثيرون منا لم يلتفت اليه.فى نهاية كلامى انا لا اهاجم اى احد ولا اخون اى احد وكل ماقلته ماهو الا تصورذاتى للمشهد وقد اكون مخطئ ....ومعلش عندى كلمتين لازم اقولهم فى الاخر(المفروض شئ والواقع شئ تانى خالص),,,,وعلى راى المثل (بعد العيد مابيتفتلش الكحك)..ايه علاقتهم بالكلام اللى احنا فيه مش عارف؟!!
